Wūrmiwinzus kērka
Wūrmiwinzus kērka (Gavia stellata) - pippelin gaddingi iz sēimin be rīndan stēisan kērkan. Ligzdaui na Pussideiniskas Amērikas be Eurāzijas zēimiskans krāntans, zēimaui na jūres krāntans spārtais na pussideinans. En Prūsai ebtiktan prei prōskraisenins en pūlu-saķķu be sillinu-sallawu na jūres krāntan. Ligzdaui prei nidebīkans, saldans, stalāntins, sirzdalandas undans.
Pērgimis glāubai
En zēimas ebplāugzdinsnai kērmenes wīrsus ast sīwakukan be stegtan sen gaīlins milinīkans, wīders ast gaīlin. En pūrausnas kērdas ebplaūgzdisnai galwā be winzus ast sīwan, adder gurklē ast rūdingi. Ast ukamazzan iz wissans kērkans. En zēimas ebplaūgzdisnai ast lāukaisin nikāi kīrsnawinzus kērka.
Pūrausnas kerdā
Ligzdan ast na zemmin. En zallawu-sīmeņu gennika lazinna 1-2 pāutans. Maldēi izgūbi pa 28-36 dēinans be pa 10-12 stūndins ēit sen wūraisins plūtwei en undan. Ainuntkaddan ast weztan na wūraisin rīkisnan.
Sirzdas ermattausnas
- kērmenes ilgan: zūrgi 60 cm
- skreīlin segsnā: 105 cm
- massi: zūrgi 1 - 1,4 kg