Kērkas

Kirsnawīnzus kērka

Kērkas - rīnda (Gaviiformes) be sēimi (Gaviidae) stēisan pippelin. En rīndai stēisan kērkan ast ainā sēimi - kērkas sen aīnan gaddingin - kērka (Gavia). En šissei gaddingei ast pēnkis pērgimis:

• Wūrmiwinzus kērka (Gavia stellata)
• Kīrsnawinzus kērka (Gavia arctica)
• Ladas kērka (Gavia immer)
• Geltainasnappas kērka (Gavia adamsii)
• Gavia pacifica

Pirmans ketturins pērgimins mazīngi ebtiktwei en Prūsai.

Enbūwinsnas areālin

Kērkas enbūwina zēimiskas pussikugin zēimiskan delīkan. Tennas zēimaui prei jūres krāntans be en daggu ast ebtiktan prei sirzdalandas undans.

Karakteristiskai glaubāi

• ilgan ezze 60 cm ērgi 80 cm, īnsas, astras skreīlis, īnss stags, stārs winzus,
• naggis praskajjintan prei kērmenes wangan, stesse paggan kērkas spārtai labbai plūja be nirsta adder wārgai ēit pa landan be enskrāida.
• īst zwīrins gabtan prei nīrsnan
• zēide prastan ligzdan na krāntan, maldēi ast perligzdinai, skrāida pa 7 sawaītins.

Mitalōgiska zentlisnā

Kērka nirstāntei ast preipīdusi iz praōceanan pirzdan matērijan (zigzdan) iz kawīdan swītan bēi teikātan pra Dēiwan. Mazzi būtwei sēitan sen Autrīmpan, Dēiwas partnērin en teikāsnas teikālin.