Puppers
Puppers (wīrsawiskwas wōblars) - plūjantis wōblaras wersiōni, kawīda ni turri štīrin šlāit turri sfēriskan engillinsnan na pirsin, kawīda segēi undas spīgsnan prei enērgiskans tēnsnans. Stawīds wōblars nikwēigi ni izēit gilluis iz undas wīrsawiskwan. Puppers imitīja līkutan zukkan gabīntin wūdans na wīrsawiskwan adder sēntin ēizwintan be ni mazināntin nirtwei gilluis en undan (stawīds zuks ast lāngu upperan per drezzawans zukkans be atraktīwan per tennans), ainuntkaddan dīgi debban wūdan (šlāitewingi līkutas wersiōnis grazzintai sen plāugzdans anga skebbelin wīnzlins). Ainuntkaddan na pupperas wangan ast līkutan wērbin, kawīdan imitīja staggas skatīsnans. Deznimai perzūrgautan en preskītlin. Mūisesai pupperai ast perzūrgautan en dwāi ānkerins, mazāi en aīnan ānkerin na rīkisnan, ukamazāi en stūrnai fiksītan wānsan na rīkisnan.
