Nīdaspils
Nīdaspils (pōl. Nidzica, miks. Neidenburg) - mīstan en dēiniskai Sasnan, zūrgi appin Nīda. Pa dātan iz 30 sīmenes 2009 mettan stwi gīwa 14 558 zmūnei.
Istōrija[redigīs]
Nīdaspilas pabilisnā teīktan ast iz indoeur. saknin nid/neid - saknis ast per zemmans appins.
Pirman gīnsnas ōbjaktan Urdens ast teīkuns stwi druwīminai zūrgi 1266-1268 mettan. 7 sallawas 1381 mettan wāiss gaūwa mīstiskan tikrōman ezze Debmistru Winrichu von Kniprode, be dīgi swajjan ērbin. En XVI mettasimtu Nīdaspils ast etwijāwuns si dīwai, ērgi šwēdiskan plaūdan.
5 dagges 1804 mettan tūlin zeistāi ast deggusis pra debīkan ugnin. Mūisisku ezze buwīntajamans bēi staddan izjāwusis.
En XIX mettasimtu mīstan etkūmps bēi en kērdai stesses etwijāsnan. Stan pagaūwa gelzāpintiskan sēisnan sen Saldawan be Alnāsteinin.
En kērdai stesses pirman be āntran swītas kareūsnan mīstan bēi spārtai pernaikīntan (75%).
Ezze 1945 mīstan ast en Pōlai.