Līdi
Līdi (Esox lucius) - drezzawas zukkas pērgimi iz sēimin stēisan līdiskan (Esocidae). Turri ukadebīkan enbuwīnsnas areālin iz sirzdau prīskaundans zukkans.
Enbuwīnsnas areālin be sirdawisku[redigīs]
Pastippa Eurōpa šlāit Īberiskan pussisalin, pussideiniskan Wālkijan be pussideiniskamans Balkanans, zēimiska be sirdā Āzija be Zēimiska Amērika. Intrōducitan en Špānijan be Ēirijan. Līdi buwinna en azzarans, appins be en preikrāntiskans sūruwingins undans en Baltijai.
Pērgimis glāubai[redigīs]
Līdi turri ērgi 25 kg massin (ukamūisesa gabtā līdi turēi 35 kg) be ērgi 2 m ilgan. Līdis kērmens ast ēnilgan, plassintan. Galwā ast ēnilgan, waggiskan sen plattun āustan sen debbans dāntins. Rīkisnas plūtwan ast praskajjintan prei staggan, kīrsa pastaggiskan plūtwan, ka dāst kērmeni strīlas wīdan. Wīders ast gaīlin adder kērmenes likkis be nipūriskai plūtwai ast ōliwiskai zallin ērgi kukkan sen geltaīnans mīlinans anga lintins.
Lāndan[redigīs]
Līdi īst zukkans, krupeīlins, undas pippelins be malkans diwūlins. Deznimai kanibālaui.