Kwīdina
Kwīdina (pōl. Kwidzyn, miks. Marienwerder) - mīstan en wakkariskai Pameddin, prei appin Rīnawan, septinnei kilōmetrai ezze Wīkslai.
Istōrija[redigīs]
Pils stēisan Pameddinan ekzistijja jāu en XI metsimtu. Pirmāi emnei en appimans - Quedin, Quedino, Queden. Pastāi pernaikīntan kaddan ūlinsnas sen Miksiskan Urdenan. Wāiss bēi etkūmps ensadīntan pra Miksiskan Urdenan en 1233 m en kulmiskai tikrōmiskwan be ast gaūwuns mīstiskans tikrōmiskwans. Mīstan pastāi pernaikīntan kaddan pirmas senskīsnas en 1243 m, panzdau etzēistan pra miksins. En mettamans 1285 - 1587 pammediskas bīskupiskwas galwasmistan. Naunā lokaciōni bēi en 1336 m, ezze staddan perbilītan Marienwerder. En 1440 mettu bēi gruntintan stwi Prūsiska Uniōni.
Panzdau trīsnadesimtan mettan kareūsnan Kwīdina palikka prēi Princiskan Prūsan. Pa plabiscitan en 1920 mettu palikka en Mikskātautai. En 30 raggu 1945 paustintā Kwēdina pastāi īmtan šlāit ūlinsnan pra Wūrmin Ārmijan be kitawīdintan en špitlin per zūrgi 20 tūsimtans ēizwintans. Mackālai, pawērpintei mīstan, bēi degginusis wūran mīstan sen rādasbutan. Ezze 1945 mettu en Pōlai. Pōlai izdīja wūrans deggintans buttans be rādasbutan be immi tīgelins en Wāršawan. Dīgi pastāi izdītan be īmtan tiltan pra Wīkslin.