Kōndensatōrs

Zūrbrukis:Condensators.JPG

Šlaitawīdai kōndensatōrai

Zūrbrukis:Rotary capacitor Pionier.JPG

Kōndensatōrs sen kitawīdiminan talpan tērpauts en rādijamans

Kōndensatōrs - elaktrōniskas elamēntan zēistan iz dwāi wadūnans (zūrbrukins) šlaitīntan sen dielāktrikan. Kaddan kōndensatōrs ast preisēitan prei stangsnan, ast karwintan en tenesmu elāktriska kraūli. Galwas debban, kawīdan ebpeisāi kōndensatōran ast tenesse talpan. Ku mūseisan talpan ast, stu mūseisan kraūlin kōndensatōrs karwinna prei dātan stangsnan.

p-n sēisenis sen pagurīntan kladdan mazzi dīlatwei kāigi kōndensatōrs. Stangsna sirzdau zūrbrukins kitawīdina pagurīntas kladdas plattun be tīt kōndnesatōras talpan. Skaitāis tūls: talpas diōdi.

Kōndensatōran simbōlai

• jāukus, nipōlarizits kōndensatōrs

Miniatūris teīksnas blānda: Unable to save thumbnail to destination

• pōlarizits (elaktrōlitiskas) kōndensatōrs

Zūrbrukis:Polarized capacitor symbol.png Zūrbrukis:Polarized capacitor symbol 3.png

• kōndensatōrs sen kitawīdiminan talpan

Miniatūris teīksnas blānda: Unable to save thumbnail to destination

Šlaitawīdan kōndensatōran talpan

Plass kōndensatōrs ast zēistan sen dwāi paralēlins fōlijas zūrbrukins, sirzdau kawīdans ast dielāktriskas klads. As deznimai rullitan en cilindriskan wīdan. Kaddan wīrswiskwan ermattausnas ast debīkan relatīwai etāliskwai sirzdau tennans, kōndensatōras talpan $C$ ast dātan pra fōrmulin:

$C={\frac {\varepsilon S}{d}}$

kwēi $\varepsilon$ ast dielāktrikas elāktriska sprāujaminisku, $S$ ast zūrbrukin wīrsawisku, adder $d$ ast etālisku sirzdau dins.

Cilindriskas kōndensatōrs ast zēistan sen dwāi draugassiskans cilinderins, sirzdau kans ast dielāktrikas klads. Tenesse talpan ast dātan pra fōrmulin:

$C={\frac {2\pi \varepsilon l}{\ln {r_{2}}\,-\,\ln {r_{1}}}}$

kwēi:

$l$ – zūrbrukin ilgan,

$r_{1},r_{2}$ – zūrbrukin strīlas

Kōndensatōras impedanci

Kōndensatōras impedanci ast dātan pra fōrmulin:

$Z={\frac {1}{j\omega C}}={\frac {-j}{\omega C}}={\frac {-j}{2\pi fC}}$

Per aīnatingin struttan kōndensatōrs ast autēnsna (bewāngiska impedanci). Per maināwingin struttan, kōndensatōrs wedāi. Stu wālnan, ku mūseisan struttas deznisku ast. Stesse paggan kōndensatōrai ast tērpautan en filterimans.