Juggan

Kaktas juggan

Pazullis juggan

Juggan - pirzdaumanei sprangai per pūran stēisan tensītan zwīrin, kāigi kurwai anga arwāikai. Tēnti tenēisan deīktan ast pertreptan pra plīskin anga paddin. Ast trīs gaddingis stēisan juggan:

• kaktas juggan - sakstiska sandā preidrūktintan sen tarkinins prei kurwas raggans. Mazzi būtwei ainā sandā per abbans zwīrins, anga eraīns mazzi turītun šlāitiskan. Iz sandas wangans ēit ratīnźai, kawīdai tensijja plūgan anga abazzun.

• pazzulis juggan - lānza na wīnzun stēisan kurwan be prapīda warrin iz tenēisan pettins. Juggas sirdan ast preidrūktintan prei abbazas tēnsin.

• kūmpas juggan - tēr per zebu pekku kawīdan turri karakterīngin kūmpan. Tērpautan en Afrīkai be Īndijai, kwēi zebu gīwa.

Juggan ast perlānksnas simbōlin. En pirzdarōmiskan Eurōpai ebwarītas karris turēi praēitwei pa juggan kōnstruitan iz trīns kellins - dwāi endelbtan en zemmin be aīnan lazīntan nō dins. Šisses pajūksnas slāids ast enkērdan salūbin, kaddan salūbapuran ēit pa senskrizītans kalabijjans