Anktas rūgtan

Anktas rūgtan
Anktas rūgtas struktūris fōrmuli be mōlekulariska lislē
CAS nummeri:	107-92-6
Kēmiska fōrmuli:	C3H7COOH
Mōlas massi:	88,1051 g/mol
Kāmstis:	964 kg/m3
Tīrpsnas temperatūri:	-6 – -3 °C
Bīrgsnas temperatūri:	162 °C

Anktas rūgtan C₃H₇COOH - karbōksiliskan rūgtan. Ebtiktan en wūran anktan, dāst kārtan gardan sūremans be teīke si en zmūnes māgu, kaddan per ilgai lānza en di daddas prōduktai.

Sendāsenei

Anktas rūgtas estrai be sālis ast bilītan per anktatans. Anktas rūgtas esters gricerōlas trianktats teīke 3 - 4 % stesse anktan. En wūrasmu anktan anktas rūgtan pawīrpina si iz estran be dāst anktu swajawīdan smārdan.

Gausnā

Anktas rūgtan gaūne di fermentīntei glukōzin en anktas fermentaciōnei:

C₆H₁₂O₆ → C₄H₈O₂ + 2CO₂ + 2H₂.

Tērpausna

Prōpaus tāns subs ni smīrda labbai, tenesse estrai turri weīsiskan smārdan (perw. butanōlas anktats smīrda kāigi ānanass) be ast tērpautai en industrījai.