Ābels Wills
Ābels Wills - autōrs stēisan prūsiskan tūlkausnan stesse Martīnas Lutras Līkutan Katekisman. Tāns gimma zūrgi 1515 mettan en Pabītimans en Sēmbai, kwei en 1527 mettan Mattis Wills gaūwa malūnan adder en 1540 Mikkels Wills bēi papsts. En 1542 jāu Ābels Wills bēi papsts. Wisāi Willai bilāi prūsiskai be weddi messans en prūsisku. Ābels Wills aulaūwa zūrgi 1566 mettan.
Dīlin[redigīs]
Ābelas Willas ginni bēi ercōgas Ālbertas preddikeris Jōhans Funks, kasmu dīnkun ercōgs ast aupalluns Willin be nadāwuns tenesmu tulkautun Līkutan Katekisman en prūsiskan. En 1545 mettan en Kunnegsgarbu pastāi izdrukkautan dwāi prūsiskai-miksiskans katekismans turīntins 15 pēnknadesimt pāusans. Pa aīnan mettan tāns ast perlazīnuns pastippan katekisman, kwēi bēi jāu 58 pāusai peisātan prūsiskai. En dīlin Willu pagalba Pāuli Megōts - prūsiskas kummetis be kirkis tulki.
En 1566 mettu Ābels Wills ast ebtikkuns en kalūzan, adder Jōhans Funks pastāi ergalīntan swāise ōsiandrisman paggan. Ast aulaūwuns en Kunnegsgarbu en Līpenikan špitlu.