Kīrsnan saiwāgarin
Kīrsnan saiwāgarin (Sambucus nigra) - aūgmens iz Adoxaceae sēimin. Aūga en Eurōpai, Zēimiskai Afrīkin, Kāukazu be Mazzai Āzijan. En Prūsai tūlinan.
Swajawīdisku
Kīrna anga līkutan garrin, aūktan ezze 3 ērgi 10 m. Gaddingis emmens saiwāgarrin ēit ezze glaūban, kāi wippjai en sīrdu ast erpinintan sen gaīlin, lāngun serdan. Lapāi ast ērgi 30 cm ilgan, sendītan iz 5-7 eliptiskans lapīkans. Lapāi ast lāukazalin ezze zemmu be tīmrazalin iz wīrsun, turri intensīwan smārdan. Sakstis ast zalaisīwan, na wūŗans wippins sīwan. Kweitjāi gaīlin sen diāmetrin zūrgi 5 mm, senrīnktan en kekkimans.
Ekalōgija
Ēmpirsin tensijja saūlitans be wilgans deīktans. Kweitjāi ezze zallawu ērgi sīmenin, turri wēišai brenda ezze daģģu ērgi sillinan.
Terpausnā
Kīrsnan saiwāgarin ast kaīlustinants aūgmens, Dīlai prīki prasalīnsnan be ēnaisan. Kweitjāi ast rīnktan na tējan anga na gazīntan alkohōliskan pūwin, wēišai na sakkan. Lapāi endītan en dubbins etbajjina pellins en saddans.