Siwā gēisi

Siwā gēisi

enbuwīnsnas areālin en Eurōpai: lāukazallin - en ligzdausnas kīsman timrazallin - pra pastippan mettan galīmban - tēr en zēimausnas kīsman

Siwā Gēisi (Ardea cinerea) - debīks bredānts pippelis, enbuwinānts perlānku ezze pōpergimin:

• Ardea cinerea cinerea - Eurāzija ezze Brittiskamans Sallins prō Nōrwegins be Sōmijan ērgi Sachalin, Mangūrijan, Īndijan be Cejlōnan. Salawīngi en Afrikai šlāit Saharan, adder dīgi en Aldabra be Kōmoramans. Zēimiskas pōpulaciōnis (stwi dīgi prūsiska) pintegaūjantin, prōskraisenei en III-IV be VIII-IX. Kaddan lāngin zēiman, tūls pippelai palāika en Prūsai, taūwu debīkamans undans.
• Ardea cinerea jouyi - Tālai deināi be pussideiniskai-deināiniska Āzija
• Ardea cinerea monicae - Mauretanijas krānts
• Ardea cinerea firasa - Madagaskars.

Pērgimis glāubai

Biskin mazzan ezze wisēimans nūsans gāndrans, sen palīgun wīdan kaddan stalīsnas, adder spārtai lāngu kāi šlaitīnlai bārwin paggan. En ebplāugzdinsnai galwiskai siwā bārwi. Galwā be wīnzus gaīlawingi, kīrsa akkin timra sawīnzli, en kawīdses prōilginsnai en galwas rīkisnai ast kīrsnas irōkezis, na wīnzun ilgīnas timras sawīnzlis. En skrāiseņu winzus ast izdītan kāigi littera S (ka ast swajawīdan, beggi prei gāndrans winzus ast autēnstan). Snaps geltaīnan, naggis geltainaikukkan. Prēi māldanins na galwan timmars kēlms.

Sirzdas ermattausnas

• kērmenes ilgan 90 - 98 cm
• iztēnstisku stēisan skreīlin 175-195 cm
• swars zūrgi 1,5 kg