http://wikipedia.prusaspira.org/index.php?action=history&feed=atom&title=T%C4%ABt_Zaratustra_bil%C4%81i_-_%C4%93nturs 2026-05-04T07:36:22Z Wersiōnin istōrija šisses wiki pāusan MediaWiki 1.39.11 http://wikipedia.prusaspira.org/index.php?title=T%C4%ABt_Zaratustra_bil%C4%81i_-_%C4%93nturs&diff=154&oldid=prev 2021-09-29T08:21:56Z

<p>Ast teīkuns(si) nāunan pāusan &quot;Aīnan kāitan dēinan Zaratustra ast enmigguns prei wīgin garrin be ast stīguns prusnan sen rānkans. Staddan āngs ast preiripīwusi be kandusi tennan en wi...&quot;</p> <p><b>Nāunan pāusan</b></p><div>Aīnan kāitan dēinan Zaratustra ast enmigguns prei wīgin garrin be ast stīguns prusnan sen rānkans. Staddan āngs ast preiripīwusi be kandusi tennan en winzun, ēr Zaratustra ast krīkstuns ezze gulseņu.&lt;br&gt;<br /> Etimāntei rānkan ezze prusnan tāns dirēi na āngin. Tenā ast staddan pazināwusi Zaratustras akkins, ast auwartinusi si be bandāi nidiwaspārtiskai prēipaus bīgtwei.&lt;br&gt;<br /> Ni, ni – Zaratustra ast gērdawuns – dabber ni assei enimmusi majjan dīnkan. Assei min en kērdan baudinnusi, ilgs pints ast pirzdau min.&lt;br&gt;<br /> - Pints twāise ast jāu īnsan – etrāi āngs sen grūstin. – Majā ēnda ergalinna.&lt;br&gt;<br /> Zaratustra ast smijāwuns.&lt;br&gt;<br /> - Kaddan gi pūkis ast aulaūwuns ezze āngis ēndan? - ast prasīwuns. - Immais swajjan ēndan etwārtai! Ni assei sūit lāiman, kāi mi upperautun di.&lt;br&gt;<br /> Adder staddan āngs etkūmps ebwijāwusi si zūrgi tenesse winzun be etlāizinusi ēizwan.&lt;br&gt;<br /> Kaddan Zaratustra gērdau di kadāi swāimans māldaišamans, tenēi ast prasīwusis:&lt;br&gt;<br /> - Be ka per rīpausenin ēit iz twajjan gērbsenin?&lt;br&gt;<br /> Zaratustra ast etrāwuns tīt:&lt;br&gt;<br /> - Per rāmiskwas augraūstajan bilāi min stāi labāi be stāi tikrōmiskai; majs gērbsenis ast nirāman.&lt;br&gt;<br /> Ik jūs jāu turritei prēisikan, ni etplattiti tenesmu sen labban per wārgan – di beggi gīdinlai. Walnan waidinnaiti, kāi tāns ast jūmans segīwuns ka nika labban.<br /> Be walnan sprāgstaiti sen nērtin, nikāi turīlitei gīdintun. Adder kaddan tenēi wīrst wans perklantīwusis, būlai nimīlai staddan tenēimans zignātun. Walnan ēmpiri perklantītun.&lt;br&gt;<br /> Adder kaddan pastāi jūmans debā nitikrōmisku, segēiti pēnkins līkutans en etrāsnai. Dērgewingi ast pawīda šisse, kawīdan jāu subba nitikrōmisku pabrandinna.<br /> Assei jāu waīdusis di? Sen ainuntan delintī nitikrōmisku sta ast jāu tikrōmis pūsi.. Šan nitikrōmiskwan turri īmtun nō sin šis, kas mukka di pīstun.<br /> Līkuta trinsnā ast spārtais zmūniskan nikāi tenesses nisatausnā. Adder kaddan sūndus ni ast dīgi per perlimījan tikrōmisku be teīsi, staddan as ni izstalāi dīgi jūsans sūndans.&lt;br&gt;<br /> Auktummais ast subsmu segītun nitikrōmiskwan, nikāi līgintun si per swajjan tikran, šlāitewingi turīntei tikrōmin prei swajjan pāusan. Adder pēr stan prawerru būtwei sūit lāiman.&lt;br&gt;<br /> Mennei dergewīngi jūsan saltan tikrōmiskwan; adder iz akkins jusēisan līgintajan dirēi mennei buddels be tenesse saltā gelzā.&lt;br&gt;<br /> Bilāiti, kwei aupaltun tikrōmiskwan, kawīda ast mīlin sen wīdantins akkins?&lt;br&gt;<br /> Aupallaiti māim mīlin, kawīda enimma ni tēr wissans sūndans, adder dīgi wissans wīnans!&lt;br&gt;<br /> Aupallaiti māim tikrōmiskwan, kawīda wissans wīrst etwinūwusi, šlāit līginantins!&lt;br&gt;<br /> Kwaitēitei dīgi stan kirdītun? En šismu, kawīds kwaitēi būtwei tikrōmiskan iz gruntan, īr reddan pastāne etnīstis per zmūnins.&lt;br&gt;<br /> Kāigi mennei būtwei tikrōmiskan iz gruntan! Kāigi mazzi as dātun erainasmu ka tenesse! Sātausei mi stan, kāi as dāma erainasmu ka māise.&lt;br&gt;<br /> Ēnwangan, majāi brātei, kūnteiti si segītun nitikrōmiskwan wisēimans izskīsenikans! Kāigi izskīseniks mazīlai izmīrstun! Kāigi mazīlai tāns etplatītwei!&lt;br&gt;<br /> Ikāigi gillus aps ast izskīseniks. Lāngu enmestun ēn di stabban; adder kaddan tāns wīrst kakinnuns dubnan, bilāiti, kas wīrst kwaitīwuns tennan augaūtun?&lt;br&gt;<br /> Kūnteiti enēizwintun izskīsenikan. Ik adder wīrstei di segīwusis, staddan dīgi ergalinnaiti tennan.&lt;br&gt;<br /> <br /> Tīt Zaratustra bilāi.<br /> <br /> [[Category:Filozōfija]]</div>

WūranArtīkelinRedigītajs