Pāusas Wilinnis aps

[[File:Wilinnis.jpg|thumb|right|300px|Wilinnis]]

'''Wilinnis''' - baltiskai swintikai, en pagaūseņu stesses [[wilē|willin]] kērdan. Sta ast kaddan Saūli enēit en Ūlintajas zentlin, mazīngi prawūrai Wilinnis bēi swintintan en pilnibin. Tēntiskai ast swintintan en 1.XI. En stan subban kērdan ast paligwāi swintikai en kitēimans kultūrins.

==Pajuksmas==
Jāu en naktin pirzdau Wilinnins (31.X) dwarris jāu etwerre si be Wīlis jāu perēit. Stesse paggan ni prawerru jāu aūstun, neggi lītwei undan per pakūrtan, kāi ni ēizwinlai anga markīnlai wīlins. En Wilinnin dēinan (1.X) prei kapurnans rīnka si bebuttei gēidintei na upperans, kawīdas ast lūgikai keptan en dēinan pirzdau be dātan pra lūdinins.

'''Zenlisnā:''' Bebuttei be bāukei gīwa per zmūnin swītan be ast laikātan kāigi sirzdawenikai sirzdau abbans swītans, ast en delīku en āntrasmu swītan. Tīt mazīngi dātun upperan wilīmans.

===Pannu zentlisnā===

Na kappans zmūnei deginna panīkans en Wilinnins. Šāi pannikai tapijja wīlins ni entikriskai, fizīskai, adder beggi ast nūse minīsnas zentlai

===Dāinan deīktan===

Kaddan pagaūne būtwei timran, zmūnei rīnka si en zēistamans en kapurnamans. Tēntiskai, kaddan kapurnas ast en galwas delīku kriksțāniskan, prūsai rīnka si prēi kappans en medemmans anga na wūrans kapurnans, kwēi ni ast niaīnan zēistan. Zmūi, kawīds wedda dāinans, preiwedda sen subban kīrsnan azukkan, kawīds panzdau ast upperautan. Tēntiskai sta ast ukadeznimais lūges azuks, beggi zmūnei giwāntei en mistammans ni turēi swajjans zwīrins be ni kwaitēi ergalīntun zwīrins.

===Dāinan iniciaciōni===

Upperautajs segēi māgiskan skrittin be perwūkaui wīlins prei dāinans. Tāns segēi pirmans upperans per wīlins be Pikullin.

===Wīnan etwerpsnā===

Upperautajs preiēit sen azukkan prei eraīnan zmūnin. Zmūi lazinna swajjans delnans na azukkan be bilāi swajjans wīnans prīki pīran (deznimai ast preiwērptan, kāi zmūi bilīlai stan tēr en pamīrisnamans) sen auwertans akkins kaddan etwerre akkins, upperautajs brukka tennan en prusnan be ēit prei ripīntin zmūnin. Kaddan jāu wisāi zmūnei ast segīwusis šan etwērpsnan, preigūbi prei uperautajan, brukka tennan be wēlka tenēisan skebbelins be bārdan. Upperautajs krikstīntei segēi kāi wīnas pastāne etwērptan.

===Azukkas uperausnā===

Pa wīnan etwērpsnan upperautajs ebpjāune azukku galwan (kawīda ast dātan kāigi upperan per wīlins) be delinna likkin per zmūnins.

===Grīmas be waițāsnas upperan===

Pa azukkas delīnsnan zmūnei pagaūne īstun, pūtun, gremtun ezze wīlins be waițātwei ezze pirzdaunīkans be wūrans kērdans. Ukaswarewīngi grīma ast [[Zallis Warris]]. Waițāsnas ezze pirzdaunīkans dāst wilīmans minīsnas pannu, kawīdan tapijja tennans.

[[Category: Baltiska kultūri]]

<!--
[[en:Dziady]]
[[lt:Ilgės]]
[[pl:Dziady (zwyczaj)]]
[[ru:Деды]]
-->