Tū redigijja Fazāns

[[Image:Fazāns.jpg|thumb|right|250px|Fazānas wīriks]]
[[Image:Fazāns-gennika.jpg|thumb|right|240px|Fazānas gennika]]
[[Image:Fazānas_enbūwinsna.png|thumb|right|400px|Fazānas enbūwinsnas areālin]]

'''Fazāns''' (''Phasianus colchicus'') - sirds, enskajjints pippelis iz sēimin stēisan [[gertiskai|gertiskan]] (''Phasianidae''). Pirmiskai fazāns en Eurōpai enbūwinuns tēr   [[Wōlga|Wōlgas]] deltan, [[Kāukazus|Kāukazan]], [[Perkāukazus|Perkāukazan]] be sawinzlin ezze [[Irāns|Irānan]] ērgi [[Mandšūrija|Mandšūrijan]]. Pirzdau 3000 mettans intrōducitan en [[Wālkija|Wālkijan]], [[Prankrīki|Prankrīkin]] be [[Mikskātauta|Mikskātautan]]. En wīlins sirdametsimtans intrōducitan en pastippan mattawingin Eurōpas zōnin be en [[Zēimiska Amērika|Zēimiskan Amērikan]].

===Pērgimis glaubāi===

Ukadebs laūkas pippelis iz sēimin stēisan gertiskan. Turri spārtans naggins, ilgaisins nikāi prei [[laukagerta|laukagertan]], kawīdas dāst tenesmu dīwai be ilgai bigātwei. Warewīngei nagāi dāst fazānu aukaptun zemmin be preizemmiskans aūgmenins. Spārts snaps dāst gabtun be ergalīntun augaūlins. Wīrikai ast mūisesan nikāi gennikas, turri ilgan staggan be ast ōranzinan. Gennikas debban ast kāigi buttas gertas debban, šai maldāi ast ebārwintan kāigi gennika. Palīgu buttas gertammans sta ast ginniskas pippelis, teikāi līkutans gruppins.

===Sirzdas ermattausnas===

* Kērmenes ilgan: 68-80 cm gennika, 85-95 cm wīriks
* Skreīlin segsnā: 68-85 cm
* Kērmenes swars: wīriks ērgi 1.5 kg, gennika ērgi 1 kg

===Sirdawisku===

Enbūwina etwertans areālins sen sirdalaūkiskans kīrnans, pakīrnintans laūkan krāntans, swāikstinans meddins, kīrnans prei undans. En zēiman laukijja deīktans kwēi ast mazīngi tenesmu kliptintun si ezze wītrai be snāigu. En bītan enskrāida na garrins be stwen izlaīde naktin.

===Lāndan===

Īst sīmenins, wēisins stēisan wūgans, kīrnans be garrins, pagār zallins delīkans be saknins stēisan aūgmenin. En daggan īst wūdans, slaīkans be glaīmins, ainuntkaddan īr krupeīlins, isturēitans, pellins, līkutans zukkans be aulaūwusins zwīrins. Šāi maldāi īst en galwas delīku zwīriskan lāndan.

[[Category:Pippelai]]

[[de:Fasan]]
[[en:Common Pheasant]]
[[lv:Fazāns]]
[[lt:Fazanas]]
[[pl:Bażant]]
[[ru:Обыкновенный фазан]]
[[szl:Fazan]]