Anglis deginīds

Anglis deginīds
Anglis deginīdas struktūris fōrmuli be mōlekulariska lislē
CAS nummeri:	630-08-0
Kēmiska fōrmuli:	CO
Mōlas massi:	28,01 g/mol
Kāmstis:	1,145 kg/m3
Tīrpsnas temperatūri:	-205 °C
Bīrgsnas temperatūri:	-192 °C

Anglis deginīds (kūds, anglis monōksids) - niōrganiskas kēmiskas sendāsenis. Šlaitbārwiskan, šlaitsmārdiskan gazzan. Spārtai dērgewingis be langudeggaminan - en winnu degga sen galīmban lāpan en anglis dwaideginīdan.

Zeisnā

Angles deginīdas delikīks turri triwārstan rissenin stesse ilgan 1,128 Å. Anglis be deginnes elaktranegatīwibis naīkina si be delikīks turri spārtai līkutan dipōlas mōmentan (0,112 Cm).

Kēmiskas swajjistas

Anglis deginīds ast spārts reduktōrs (izimma deginnin iz deginīdans) be stesse paggan ast tērpautan en metalūrgijan:

Fe₂O₃ + 3CO → 2Fe + 3CO₂

Dērgewingisku

Anglis deginīds rēisa si sen hemaglōbinin en kraūjas eritrōcitamans 250-300 rēizan spārtais nikāi deginnis teikāntei wērawingin kōmpleksan methemagōbinin. Ni ast sūit hemaglōbinis kāi prapīstun deginnin. Jāu 0,16% algis deginīdas en winnu dīlina gallin pa dwāi stundins.

Appus

Anglis deginīds ast prōducitan wiskwēi kwēi anglis ast degīntan sen nisātawintan deginnes kelliskwan.