Gārban kīla
Gārban kīla (Motacilla cinerea) - līkutas pippelas pērgimi iz sēimin stēisan kīliskan.
Enbūwinsna[redigīs]
Enbūwina sirdans plattuns ezze wakkariskan Eurōpan ērgi dēiniskan Āzijan, ni ast en Īslandu be zēimiskai Skandināwijai. Pippelai iz zēimiskan areālis delīkan wāndraui.
Sirdawisku[redigīs]
Buwinna prei dīwans strāuwans sen stabbans be zigzdas dubnan en gārbiskamans ebzūrgiskwans. En Prūsai prei dīwans appins en Wārmei, Paguddei be Nātangai.
Pērgimis glaubāi[redigīs]
Laībs wīds, spārtai ilgs stags sen gaīlins krāntans. En pūrausnas ebplaūgzdisnai wīriks turri kīrsnan pagūrklin arāikintan sen gaīlin wānsan. Galwas wīrsus, pazzuls be rīkisna ast sīwan adder zemman intensīwai geltaīnan. Skreīlis ast kirsnawīngi. Prēi gennikan be māldanins ni as kīrsnan mīlinan na pagūrklin be wīders ni ast tīt intensīwai aīningi gelataīnan kāigi prei wīrikans.
Sirzdas ermattausnas[redigīs]
- kērmenes ilgan: 18 - 19 cm
- skreīlin segsnā: 25 - 27 cm
- kērmenes massi: 15 - 21 g
Maitasnā[redigīs]
Īst preiundiskans wūdans be kittans bewērbuliskans zwīrins