Geōrgs Gerullis
Geōrgs Gerullis - prūsiskas lingwists baltists, autōrs stesse lāiskan Wūraprusiskai deīktan emnei (Die altpreussichen Ortsnamen).
Geōrgs Gerullis gimma en 13 daggin stesse 1888 mettan en Jōgaudamans be aulaūwa en 1945 mettan en Mīmelai. Tāns studīwuns en Kunnegsbarbas Uniwersitātei be gaūwa filazōfijas doktōŗas grādan en 1920 mettan. En 1922 mettu ast publicīwuns swajjan galwas dīlin Wūŗaprūsiskai deīktan emnei. En mettans 1922-1933 bēi dis uniwersitātis profesōrs en Lāipcigu. Stwen en 1930 ast publicīwuns dīlin Laītawiskas dialaktalōgijas stūdijans. Endilīntan pra swajjan gennan, kawīda bēi stesse auktitikīskas pertiksnan, ast entreppuns en NSDAP be pastāi per Kunnegsgarbas uniwersitātis rektōran be pawērpi šan funkciōnin kaddan nācai pagaūwa kitawīdintun emnins en prūsan na kunstiskans miksiskans en 1937. Staddan tāns izjāja en Berlinan be pastāi stwen per uniwersitātis profesōran. Pagaūwušai kareusnā, tāns pastāi mōbilizītan. En 1941 tāns pastāi per upicīran be Abwehras gruppiwedikan. En 1945 mettu pastāi pergabtan pra Sōwetans be eršaūtan en Mīmelai.