Bellas gērdausenis

Bellas gērdausenis - gērdausenis bilānts, kāi en lōkalai teōrijan sen aukliptans paramēterins, kōwariancis sirzdau lōkalins mattaminans funciōnins turri izpilnintun tūliskan stēisan nilīgibin, bilītan pēr Bellas nilīgibins. Gērdausenes implikaciōni ast, kāi kwāntiska mekāniki ni ast kōmpatibilin sen niaīnan lōkalin teōrijan sen aukliptans paramēterins. Gērdausenis wedde prei rīpausenin, kāi kwāntiska mekāniki ni ast kōlmogōrōwiskan (ni izpilnina drūwiminiskwas ebgīrbausnas Kōlmōgōrowas aksiōmans, en kawīdamans prōbabilistiska plattibi ast centrāls pressenis).

Ukazinātan Bellas nilīgibi ast CHSH nilīgibi. Pastāi di ekspermentālai waidīntan, kāi šī nilīgibi ni ast izpinintan, ka waidinna, kāi en kwāntiskai mekāniki ekzistijja stānis, kawīdan mattausenin rezultātans ni ans mazīngi ebpeisātun tērpawintei plattibi stēisan aukliptan paramēterin () kōlmogōrōwiska teōrija be ni wisaddan ast mazzingi ebpeisātun ekperimēntas rezultātans sen lōkalin mōdelin stēisan aukliptan paramēterin.

Gērdausenis pastāi fōrmulitan be padruktintan ezze Johnu Stewartan Bellin en 1964 mettan.